راشد عالم راشد

 |  دوحہ، قطر

زندگی قید ہے یا پھر چمن آرائی ہے

زندگی وصل ہے یا ہجر کی تنہائی ہے

زندگی جنگ و جدل معرکہ آرائی ہے

زندگی حسن و جمالِ رخِ رعنائی ہے

زندگی وحشتِ صحراہے یا پھر دشتِ جنوں

زندگی تیشۂ فرہاد محبت کا فسوں

زندگی آہ و بکا درد و الم سوز دروں

زندگی کیا ہے اجازت ہو تو اک بات کہوں

زندگی پیار و محبت سے بھلی لگتی ہے

زندگی عشق میں لیلی کی گلی لگتی ہے

زندگی وہم ہے یا ایک حسیں خواب بھی ہے

زندگی غم کی سیہ رات کا اطناب بھی ہے

زندگی عہدِ جوانی ہے تو فانی بھی ہے

زندگی زر و زمیں زن کی کہانی بھی ہے

زندگی صبح کی امیدِ نو یا بادِ صبا

زندگی رات میں جلتا ہوا مفلس کا دیا

زندگی بڑھتی نہیں گر کے سنبھلنے کے بنا

زندگی کچھ بھی نہیں جہد مسلسل کے سوا

زندگی عزم سے جینے کا ہنر پیدا کریں