راشد عالم راشد

 |  دوحہ، قطر

علم و مستی کی فضا ہے کارواں اردو قطر

اہل دانش کی صدا ہے کارواں اردو قطر

میر و غالب کی زباں اردو ہماری شان ہے

آبرو اس کی غزل اور نظم اس کی جان ہے

زلفیں اس کی ہم سنواریں بس یہی ارمان ہے

ہم زبان و ہم نوا ہے کارواں اردو قطر

اہل دانش کی صدا ہے کارواں اردو قطر

قافلہ شعر و سخن کا تازہ دم چلنے کو ہے

کتنے پروانے ہیں رقصاں شمع اک جلنے کو ہے

آئے گی صبحِ درخشاں شام اب ڈھلنے کو ہے

دشت میں بس اک رجا ہے کارواں اردو قطر

اہل دانش کی صدا ہے کارواں اردو قطر

فکر و فن شعر و سخن کی معتبر یہ بزم ہے

ہر سخنور کی پزیرائی ہمارا عزم ہے

مے میسر ہو سبھی کو میکدے میں نظم ہے

نام اور اس کا پتا ہے کارواں اردو قطر