منشی نوبت رائے نظر لکھنوی

 |  لکھنؤ, ہندوستان

پئے سیر وتماشا کیا تم اس گلزار میں آئے

ہوئے  گل کے ،نہ چشم ِ نرگس بیمار میں آئے

سمائے چشم ِ عاشق میں حبیب ،اک بات ہے لیکن

مزا جب ہے نظر عاشق نگاہِ یار میں آئے

کروگے تم چمن کی سیر چشمانِ بصیرت سے

ثمر دانہ میں دیکھو اور نظر گل خار میں آئے

دوئی کو گر مٹادے تو ،خودی کو گر گرادے تو

تو شکل ِ یار پھر تجھ کو نظر اغیار میں آئے

کہاں تھے ہم ،یہیں تھے اور یہیں ہوں گے جہاں جائیں

کہاں جائیں ،نظر ہر شے جو شکل ِ یار میں آئے

نہیں ہے یہ مقام آہ وبقا ،حرص وہوا کی جا

رہے،بس دم بخود بلبل گراس گلزار میں آئے