آغا شاعر قزلباش دہلوی

 |  ہندستان

ہے نام سے خُدا کے آغاز کا اُجالا

جو مِہرباں بڑا ہے بےحد جو رحم والا

تعریف سب خُدا کو جو رب ہے عالموں کا

جو مِہرباں بڑا ہے بےحد جو رحم والا

مَحشر کے دِن کا مالِک رَوزِ جزا کا والی

تُجھ کو ہی پُوجتے ہیں تیرے ہی ہم سوالی

سیدھی ڈَگَر پہ لے چَل ثابت قَدم بنا دے

نعمت جِنہیں عطا کی اُن کی رَوِش سُجھا دے

نے اُن کی راہ جِن پر قَہر و غَضَب ہُوۓ ہیں

نے اُن کی جو بہک کر گُمراہ ہو گئے ہیں

سُورَہ فاتحہ مَنظُوم ترجمہ