زہرا نگاہ

 |  کراچی ، پاکستان

یوں کہنے کو پیرایہِ اِظہار بہت ہے

یہ دِل دِلِ ناداں سہی خوددار بہت ہے

دیوانوں کو اب وسعتِ صحرا نہیں درکار

وحشت کے لیے سایہِ دیوار بہت ہے

بجتا ہے گلی کُوچوں میں نقارہِ اِلزام

مُلزم کہ خموشی کا وفادار بہت ہے

جب حُسنِ تکلُّم پہ کڑا وقت پڑے تو

اور کُچھ بھی نہ باقی ہو تو تکرار بہت ہے

خود آئینہ گر آئینہ چھوڑے تو نظر آۓ

دہکا ہُوا ہر شُعلہِ رُخسار بہت ہے

مُنصف کے لیے اذانِ ساعت پہ ہیں پہرے

اور عدل کی زنجیر میں جھنکار بہت ہے