رحمان فارس

 |  اسلام آباد, پاکستان

یہ غم نہیں کہ وہ مجھ سے وفا نہیں کرتا  

ستم تو یہ ھے کہ کہتا ھے 'جا ، نہیں کرتا'

طلوعِ عارض و لب تک مَیں صبر کرتا ھوں

سو منہ اندھیرے غزل اِبتدا نہیں کرتا ۔

سوال عشق پہ لمبی کہانیاں نہ سنا

مجھے بتا، کہ تو کرتا ہے یا نہیں کرتا؟

یہ شہر ایسے حریصوں کا شہر ھے کہ یہاں

فقیر بھیک لیے بِن دُعا نہیں کرتا

زباں کا تلخ ھے لیکن وہ دل کا اچھا ھے ،

سو اُس کی بات پہ مَیں دِل بُرا نہیں کرتا

بس ایک مصرعہؑ تر کی تلاش ھے مجھ کو

میں سعیؑ چشمہؑ آبِ بقا نہیں کرتا!

شہیدِ عشق کی سرشاریاں مُلاحظہ ھوں

گلا کٹا کے بھی خُوش ھے ، گِلہ نہیں کرتا

دِل ایسا پھُول ھے فارس کہ جو مہکنے کو

کبھی بھی منتِ بادِ صبا نہیں کرتا