زہرا نگاہ

 |  کراچی ، پاکستان

چَلتے ہو تَو چَمَن کو چَلِیے کَہتے ہیں کہ بہاراں ہے

ہر گُل پر ہے بُوند لَہُو کی کیسا باد و باراں ہے

نَنگی شاخوں پر خاموش ہیں سارے خوش اَلحان پَرِند

چاروں کُھونٹ ہے وَحشت لیکِن سُست خِرام غزالاں ہے

کیسی صُبحیں، کیسی شامیں، اَور کِدھر کی راتیں

خوش وَقتی اَب شہر بدر ہے ہر پَل بے سروساماں ہے

پِیٹھ لَگا کر کَب تَک روکیں گھر کو ہَم

اِک اِک اِینٹ گِری جاتی ہے کیا طرزِ مِعماراں ہے

نام و نُمُود کا جامَہ پہنے سب باعِزّت بن بیٹھے

ٹُکڑے ٹُکرے بِکھرا ہے دامن عِزَّت داراں ہے